首页
趙薇、吳宇森導演、柯震東、葉璇、劉心悠、內地男星馮紹峰、竇驍等，噚晚喺上海出席積家表上海電影節晚宴。
品牌大使趙薇著了一件綠色露肩裙，雖冇做訪問，但心情就好靚，坐足全晚。現場拍賣一隻積家表、一個喺新片《狼圖騰》嘅馬頭琴，為修復《英雄本色》籌款。趙薇同內地女星、《致青春》楊子珊傾過不停，楊子姍多次舉手競投，相信係代趙薇出價，最終以10萬投咗馬頭琴，兩個人齊齊上台。吳宇森再次多謝大會厚愛，謙稱《英雄本色》並唔係經典，之前曾患癌嘅他，喺台上說：「我也希望我可以活得久一點，等過了30年後，有機會再看趙薇《致青春》。」楊子姍透露隔日同趙薇通微信：「我最近在拍電影《重返20歲》，角色是有20歲面孔、身體；但有著80歲老靈魂的角色，幾有挑戰，趙薇過一兩天就會通訊問我拍的情況。」
http://hk.apple.nextmedia.com/enews/realtime/20140615/52588711
