首页
着住校服嘅小四月，似足媽咪眼大大。
趙薇在名店內幫囡囡揀冬裝。
趙薇仲揀咗件羽絨畀囡囡。
離開時戴住黑超嘅趙薇抱住囡囡行。
趙薇抱實囡囡Shopping。
着住校服嘅小四月，似足媽咪眼大大。
向來視4歲寶貝女小四月如珠如寶的趙薇，早排去咗美國兩個月，同死黨黃曉明合作拍電影《橫衝直撞好萊塢》，上個月底先至返香港，喺香港嘅趙薇，自然多咗時間湊吓女。上周五（12日）CIB喺太古廣場就見到趙薇，抱住着住校服嘅寶貝女，仲去咗間名店買衫仔畀佢，又攬到囡囡實一實，唔通驚佢走失？
趙薇近排開緊徐崢部新戲《人再囧途之港囧》，留港拍戲嘅好處就係可以成日湊住佢嘅寶貝女小四月，轉眼間小四月已經4歲，照計應該返緊幼稚園K1。上周五（12日），趁天氣未轉冷，趙薇同着住校服嘅小四月嚟到太古廣場，身邊仲有女性朋友同女傭傍實，一行四人行咗入一間名店，主攻童裝，趙薇幫個女揀羽絨褸之餘，仲叫囡囡坐低試鞋仔，眼大大似足趙薇嘅小四月好鬼精靈，選購完一輪之後，趙薇行出店前先戴番副黑超，CIB影相嘅時候，佢哋四個人即刻有VIP嘅服務，就係獲得商場保安帶佢哋行秘道離開。CIB見趙薇咁緊張個女，莫非因為拍完部寫實片《親愛的》嘅影響？因為呢部戲講好多拐帶兒童事件，難怪趙薇攬到囡囡實一實，都啱，穩陣啲好！
http://www.metrohk.com.hk/?cmd=detail&id=258463
視頻 http://www.tudou.com/programs/view/uS7qci8-DzE/?bid=03&pid=2&resourceId=65190606_03_05_02
